Xalqaro tanaffus nihoyasiga yetdi va «Real Madrid» shu shanba kuni «Real Sociedad»ga qarshi maydonga tushib, yana katta futbolga qaytadi. Shuningdek, ular shu haftada Chempionlar Ligasi bahslarini davom ettirib, seshanba kuni «Santyago Bernabeu» stadionida «Olimpik Marsel»ni qabul qiladi. Xabi Alonsoning jamoasi «Real Sociedad» maydonida mehmon bo`ladi. LaLiganing dastlabki uchta o`yinida to`qqiz ochko to`plab, atigi bitta gol o`tkazgan «Real Madrid» hozirda «Atletik Bilbao» bilan birga turnir jadvalida peshqadamlik qilmoqda. «Real Sociedad»ga qarshi o`yin jamoaning Yevropa turniriga qanday tayyorlanayotganini tushunish uchun muhim ahamiyatga ega, chunki Xabi Alonso har uch-to`rt kunda o`yin o`tkazishda raqobatbardosh bo`lish uchun tarkibni rotatsiya qilishga majbur bo`ladi.
O`yin tafsilotlari: Real Sociedad – Real Madrid
- Sana: Shanba, 13-sentabr | Vaqt: 10:15 (ET)
- Joy: «Anoeta» munitsipal stadioni, San-Sebastyan, Ispaniya
- Jonli efir: ESPN+
- Koeffitsiyentlar: Real Sociedad g`alabasi +419; Durang +318; Real Madrid g`alabasi -164
Shu sababli, yozda «River Plate»dan taxminan 40 million dollarga transfer qilingan va jahon futbolining eng iste`dodli yosh o`yinchilaridan biri hisoblangan Franko Mastantuonoga ko`proq bosim bo`ladi. Xalqaro tanaffusda u Argentina terma jamoasi safida maydonga tushdi va odatda Lionel Messi kiyadigan 10-raqamli libosni kiydi, chunki Messi 2026-yilgi JCH saralash bosqichining Ekvadorga qarshi so`nggi o`yiniga bormagan edi. Ayniqsa, so`nggi yillarda «Barselona» safida Lamine Yamalning porlashi ortidan Mastantuonodan katta umidlar qilinmoqda, bu esa uning Ispaniya gigantlari uchun navbatdagi katta yulduz bo`la oladimi degan savolni tug`diradi. Biroq, Xabi Alonso unga yangi mamlakat, liga va jamoaga moslashish hamda rivojlanish uchun vaqt kerakligini yaxshi biladi, chunki uning ustida har kuni bosim bo`ladi. Uning «Real Sociedad»ga qarshi o`yinning ikkinchi yarmida maydonga tushishi ehtimoli ko`proq, ammo LaLiganing dastlabki uchta o`yinida 151 daqiqa o`ynaganini hisobga olsak, uni maydonda ko`rishimiz mumkin.
Taxminiy tarkiblar
Real Sociedad XI: Aleks Remiro; Jon Aramburu, Igor Zubeldia, Duje Chaleta-Tsar, Ayen Munoz; Takefusa Kubo, Pablo Marin, Jon Gorrochategi, Ander Barrenechea; Mikel Oyarsabal, Brais Mendes.
Real Madrid XI: Tibo Kurtua; Dani Karvaxal, Eder Militao, Din Xuysen, Alvaro Karreras; Federiko Valverde, Aurelien Chuameni, Arda Gyuler; Braim Diaz, Kilian Mbappe, Vinisius Junior.
