«Philadelphia 76ers» oʻzining yangi klassik formasini taqdim etganida, bir NBA muxlisining eʼtibori Jared Makkeynning skameyka pressidagi gʻalati tafsilotga qaratildi. «76ers» himoyachisi Allen Ayverson davridagi formada, skameyka ustida oʻtirib suratga tushdi. Eʼtiborga molik jihat shundaki, shtanga atigi 2,5 funt (taxminan 1.1 kg) ogʻirlikdagi disklar bilan yuklangan edi. Bu X ijtimoiy tarmogʻidagi foydalanuvchida savol tugʻdirdi: «Nima uchun Jared Makkeyn 2,5 funtlik disklar bilan skameyka pressi qilyapti?»
Bu post tezda virusga aylandi va Makkeyn Instagram hikoyasida bu izohlarga javob berdi. Avvaliga u ikki gʻamgin smaylik bilan «Ustida ishlayapman» deb yozdi, soʻngra 8 funt (taxminan 3.6 kg) ogʻirlikdagi gantelni koʻtarayotgan videosini joylashtirdi.
TikTokʼda 4,4 million obunachiga ega boʻlgan Makkeyn ijtimoiy tarmoqlardagi quvnoq postlari bilan tanilgan. Oʻtgan yili u «76ers» jamoasining kiyinish xonasidan jamoadoshi Kayl Louri bilan birga yetti milliondan ortiq koʻrilgan videoni joylashtirgandi.
21 yoshli futbolchi oʻzining debyut mavsumini 23 oʻyinda oʻrtacha 15,3 ochko, 2,6 assist va 2,4 ribaund toʻplab yakunladi, bu esa unga All-Star Weekend davomidagi «Rising Stars Challenge» tanlovida ishtirok etish imkoniyatini berdi.
Uning mavsumi dekabr oyida chap tizzasidagi lateral menisk yirtilishi tufayli muddatidan oldin yakunlandi, bu esa operatsiyani talab qildi. «76ers» uni bir oy oʻtgach, mavsumning qolgan qismiga oʻyinlardan chetlatdi.
