Rahmatjon Ro’zioxunov bunday natijadan so’ng “yorildi”

Serbiyada davom etayotgan jahon chempionatida kecha chorak final bahslari bo’lib o’tdi.
-75 kg vaznli bokschimiz Saidjamshid Jafarov Tailand vakili Viparon Jongjoxoga qarshi ringga chiqdi. Jang davomida katta ustunlikka erishgan bokschimizga yakunda hakamlar tomonidan g’alaba berilmadi. Terma jamoa murabbiyi Rahmatjon Ro’zioxunov bunday natijadan so’ng “yorildi”.

“Hakamlarning nazoratchisi tailandlik edi. Men birinchi raundda 3:2 berilganidayoq bildim, vaholanki 5:0 yutayotgandik. Ikkinchi raund 3:2 hisobida raqibga berildi. Bu raundani ham yutgandik. Oxirgi raundda 4:1 hisobidagi g’alabani tailandlikka berishdi.

Men Marat akaga mana bu tailandik yuribdi, hammasini hal qilib g’alabani raqibga berib yuborishadi dedim. Marat Galievich – “Biz yutyapmiz, qanday qilib berib yuborishadi”,- dedilar. Ha, biz yutyapmiz, lekin ochkoni bizga bermayaptiku, bizni aldab-aldab uchinchi raundda hal qilyapti.

Yana qanday qilish ishlash kerak? Qanday qilib yutish kerak? Nima qilish kerak? Hasanboy va SHahobiddinni jangida ham shunday qilishdi. Hatto bizning “protest”imizni ko’rib chiqishmayapti. Odiljonni jangiga protest berdik. Yo’q, 2:3 hisobi berilgan, ko’rib chiqilmaydi deyishdi.

Unday bo’lsa, bu chempionatni umuman o’tkazish kerak emas. Nimaga bizning jamoaga bunday munosabatligini ham bilmayman. Birinchi kundanoq etakchilarimizni chiqarib yuborishdi. Saidjamshid yutqagani yo’q. Ko’pchilik protest haqida so’rayapti. Ko’rib chiqilmasa nima keragi bor buni.

Umumiy 4 ta jangimizda hakamlar nohaqlik qilishdi. Agar vaziyat shunday ketadigan bo’lsa, yarim final, final bahslari eng oson janglar bo’ladi. Eng kuchsizlar chiqadi va chempion bo’ladi”, – dedi Ro’zioxunov.

Дўстларингизга билан баҳам кўринг