“Finaldagi bosim? “Nasaf” futbolchilari bunga ko'nikib bo'lishgan” – Mutaxassis fikri

Odatda yurtimiz jamoalari ishtirokidagi mas'uliyati yuqori xalqaro uchrashuvlar arafasi barcha bahs-munozaraga kirishib ketadi.
Har kim o'z fikrini turlicha bayon qiladi. Imkoniyatlar chamalanadi. Jamoalarning kuchiga baho beriladi. Joriy yilgi OFK kubogi finalida yurtimiz sharafini Qarshining “Nasaf” jamoasi himoya qiladi. Raqib Bahraynning “Al Muharrak” klubi. Tajribali murabbiy Bahrom Hakimov yaqinda saytimizga bergan intervyusida “Nasaf”ning final uchrashuvi oldidan quyidagicha fikrlarini bo'lishgan edi.

“Ro'ziqul Berdiyev finalda g'olib chiqish uchun astoydil harakat qilishi aniq. Har bir murabbiy o'zidan biror iz qoldiray, deydi. Boisi hayot shunday. O'zingizdan nimadir qoldirishingiz kerak. Boz ustiga Ro'ziqul Qashqadaryo farzandi. “Nasaf”da futbolchilik paytida yorqin mavsumlarni o'tkazgan. Maqtash, deb o'ylamang. Shunchaki unga qoyilman. Uning ortida butun xalq turibdi. Barcha  “Nasaf”ga muxlislik qiladi. Kecha kubokdagi o'yinini ham ko'rdim. Deyarli ikkinchi tarkib bilan Jizzaxda bunday bosimni yengib o'tish oson emas. Bahraynda ham bosim katta bo'ladi. Lekin futbolchilar bunga ko'nikishdi. O'ylaymanki, yomon natija ko'rsatishmaydi. Baribir qo'limda o'ynagan shogirdlarimga befarq emasman. Mana Baxtiyor Ashurmatov ham “Qo'qon-1912″da yaxshi faoliyat olib boryapti. Yuqorida aytganimdek Ro'ziqul Berdiyev OFK kubogida g'olib chiqish uchun borini beradi”,- deydi Bahrom Hakimov.

Abdulaziz Iskandarov tayyorladi.

Do'stlaringizga bilan baham ko'ring