Tokio-2020. Erkin kurash. «Bronza» uchun o'tish bahsida Shapiyev g'alaba qozondi, Abdullayev yutqazdi

Tokio olimpiadasining kechagi kun yakunlari bo'yicha erkin kurashchilarimiz Javrail Shapiyev (86 kg.) va G'ulomjon Abdullayev (57 kg.) bronza medali uchun bahslarda ishtirok etish huquqini qo'lga kiritgandi.

Shapiyev shveysariyalik Stefan Reychmutga qarshi gilamga chiqib, 5:2 hisobida g'alaba qozondi. Endi u rossiyalik Artur Nayfonovga qarshi bronza medali uchun jangda ishtirok etadi. Mazkur jang Toshkent vaqti bilan taxminan 15:50da boshlanadi.

G'ulomjon Abdullayev kecha yarim finalga chiqishiga bir baxya qolgandi. Ammo bronza medali uchun o'tish uchrashuvi hamyurtimiz uchun muvaffaqiyatsiz kechdi. U AQShlik Tomas Patrik Gilmanga imkoniyatni boy berib qo'ydi — 1:11.

Shu tariqa, ushbu vatandoshimiz olimpiadani medalsiz yakunlaydigan bo'ldi.

Do'stlaringizga bilan baham ko'ring