Engil atletikachi “engiltak” qiz emas!..

Kristina Timanovskaya— Olimpiadadan ketishga majbur qilingan Belorus sportchisi

Kecha Belorus Olimpiya qo'mitasi belorussiyalik sportchi — Kristina Timanovskaya hissiy va psixologik holati tufayli Tokio Olimpiadasida qatnashishni to'xtatdi, deb xabar bergan edi.

“Meduza”ning iddaolariga ko'ra, voqea aslida ko'ringanidek emas. Olimpiada o'yinlariga kelgan yengil atletikachi 1 avgust kuni Belorus sporti rasmiylari uni Yaponiyadan majburan Belorussiyaga olib ketmoqchi bo'lgani haqida ma'lum qildi.

Sportchi to'g'ridan-to'g'ri Tokio aeroportida politsiyaga murojaat qildi va Xalqaro Olimpiya qo'mitasiga yordam so'rab videoxabar yozdi.

Timanovskayaning so'zlariga ko'ra, u Belorus sport amaldorlarini tanqid qilganidan so'ng amaldorlar unga bosim o'tkaza boshlagan.

U o'z ruxsatisiz o'yindan chetlatilgan sportchining o'rniga Olimpiya estafetasiga e'lon qilinganini tanqid qilgan va rasmiylar uni o'z uyida jinoiy javobgarlikka tortishidan qo'rqqan.

Birozdan so'ng “Nik va Mayk” nomli anonim Telegram kanalida Timanovskayaning Belarus yengil atletika terma jamoasi bosh murabbiyi Yuriy Moisevich va Belorus Respublikasining yengil atletika bo'yicha respublika olimpiya tayyorgarligi markazi direktori o'rinbosari bilan suhbati audioyozuvi tarqaldi.

19 daqiqa davom etgan suhbatda sport rasmiylar atletikachini ahmoqlik, “engiltaklik” qilib qo'yganlikda ayblagan va vaziyatni bosti-bosti qilish uchun u Tokiodan ketishini aytgan. Ularning rejasiga ko'ra, sportchi jarohatlangan deb ma'lumot beriladi va u uyiga qaytadi.

Sportchiga agar bunga rozilik bildirmasa, uning o'zi va boshqa sportchilar, sport qo'mitasida faoliyat yurituvchi rasmiylar ishsiz qolishi pesh qilinib, bosim o'tkazilgan.

Ushbu audioga sportchi hali izoh bermadi. Timanovskaya so'zlariga ko'ra, unda bundan tashqari ham bosim o'tkazilgani aks etgan audio mavjud, lekin u xavfsiz bo'lmaguncha, audioni e'lon qilmoqchi emas.

“Bugun kechqurun XOQ va tashkiliy qo'mita Timanovskaya bilan to'g'ridan-to'g'ri gaplashdi. U hozirda Xaneda aeroporti rasmiylari va tashkilot qo'mitasi a'zosi bilan birga. U bizga o'zini xavfsiz his qilayotganini aytdi. XOQ va tashkiliy qo'mita Timanovskaya bilan keyingi qadamlarni aniqlash uchun muzokaralarni davom ettiradi “, — deyiladi XOQ matbuot xizmati xabarida.

Shuningdek, “Agar u Belorus elchixonasi xodimlariga topshirilsa, bu uning uchun katta xavf tug'dirishi mumkinligidan xavotirdaman”, —dedi Yaponiya parlamenti a'zosi Tayga Ishikava.

Belorus sportchisi Yaponiyadan kuch bilan olib ketishga urinishlardan so'ng hozir xavfsizlikda
Timanovskaya aynan qaerda ekanligi noma'lum.

Kristina Timanovskaya majburan yurtiga jo'natib yuborishga urinishlaridan so'ng hozirda xavfsiz joyda va Avstriyadan boshpana so'ramoqchi.

Chexiya rasmiylari ham belaruslik sportchiga respublikaga kirish uchun viza taklif qilmoqda, u yerda u xalqaro himoyaga murojaat qilishi mumkin, deb yozadi Chexiya tashqi ishlar vaziri Yakub Kulganek tvitterda.

Fransiya va uning Yevropa Ittifoqidagi hamkorlari beloruslik sportchi Timanovskayaga boshpana berish imkoniyatini ko'rib chiqmoqda — Fransiya TIV.

Beloruslik sportchi Timanovskaya xavfsizlikda

Polsha o'z vataniga qaytishdan bosh tortgan va XOQga yordam so'rab murojaat qilgan beloruslik sportchi Kristina Timanovskayaga mamlakatga kirish uchun boshpana va viza taklif qildi. Sportchi allaqachon Polshaning Tokiodagi elchixonasiga etib kelgan.

Timanovskaya so'nggi daqiqalarda Venaga uchib ketdi

Hozircha parvoz o'zgarishi sabablari aytilmagan. Tasdiqlanmagan ma'lumotlarga ko'ra, tegishli qarorni Timanovskayaga hamrohlik qilgan Polsha elchixonasi xodimlari qabul qilishgan, chunki bir nechta chet ellik jurnalistlar ham Tokiodan Varshavaga uchmoqchi bo'lgan.‌‌

Belorus sportchisi Kristina Timanovskaya Tokiodan Vena shahriga uchib ketdi

Oxirgi daqiqagacha sportchi Avstriyaga emas, balki unga gumanitar viza bergan Polshaga borishi taxmin qilingan edi. Ammo oxirgi ikki kunni Polsha elchixonasida o'tkazgan sportchi Timanovskaya aeroportga kelgach Avstriya poytaxtiga parvoz qilgan.

Timanovskaya o'tirgan samolyot Venaga qo'ndi

Yana bir xabarga ko'ra, sportchining turmush o'rtog'i ham Polshaga gumanitar viza olgan.

 

Vaziyatni kuzatishda davom etamiz…

Do'stlaringizga bilan baham ko'ring