Ayni damda OFK kubogi mintaqalararo yarimfinaliga qur'a tashlanmoqda. Uni OFK vakili Avaz Berdiqulov olib bormoqda

«Nasaf» «Ahal»ni mag'lub etib mintaqalararo yarimfinalga chiqsa, unda Janub chempioni yoki Sharq chempioni bilan o'ynaydi. Yoki qur'aga ko'ra, to'g'ridan-to'g'ri mintaqalararo finalga chiqishi mumkin. Qur'ada shu jamoa nomi ham aniqlanadi.

Ushbu bosqichgacha Qarshining «Nasaf» klubi 1/8 final o'yinini 25 avgust kuni Turkmanistonning «Ahal» klubiga qarshi o'tkazadi. Turkman jamoasi o'yinni o'z maydonida qabul qila olmasligini bildirgach, mezbonni aniqlash uchun qur'a tashlashga hojat qolmadi va OFK o'yin Qarshida o'tishini ma'lum qilgandi.

1/8 finaldagi g'alaba Ro'ziqul Berdiyev jamoasini Markaziy Osiyo mintaqasi g'olibi sifatida to'g'ridan-to'g'ri yarimfinalga olib chiqadi. Chunki janub (Maldiv, Hindiston, Bangladesh) va ASEAN (Vyetnam, Tailand, Kamboja, Filippin) jamoalari o'rtasidagi guruh bosqichi o'yinlari mezbon hudud topilmagani hamda koronavirusning avj olishi tufayli o'tkazilmagandi. Natijada endi chorakfinal bo'lmaydi va «Nasaf»da Qarshidagi g'alaba orqali yarimfinalga yo'l olish imkoniyati paydo bo'ldi.

«Nasaf» «Ahal»ni mag'lub etib mintaqalararo yarimfinalga chiqsa, unda Janub chempioni yoki Sharq chempioni bilan o'ynaydi. Yoki qur'aga ko'ra, to'g'ridan-to'g'ri mintaqalararo finalga chiqishi mumkin. Chunki ASEAN bekor qilinganidan keyin, yarimfinalda o'ynaydigan 3ta mintaqa qoldi, bittasi mintaqalararo finalga o'ynamasdan chiqadi. Qur'ada shu jamoa nomi ham aniqlanadi.

Ma'lumot uchun, «Nasaf» 2011 yil OFK kubogida chempion bo'lgan. Bu o'zbek klublarining xalqaro maydondagi yagona rasmiy chempionligi hisoblanadi.

Do'stlaringizga bilan baham ko'ring