Ayni bir daryoga 2 marta tushib bo'lmaydi, biroq bu gaplar Lukakuga taalluqli emas

“Chelsi”ning Erling Holandni qo'lga kirita olmasligi aniq bo'lgach, Angliya nashrlari ketma-ketlikda Romelu Lukakuning yana Londonga qaytishi mumkinligi  haqida yozmoqda.

Bir tarafda “aristokratlar” Lukakuni ortga qaytarish uchun “nerazzurilar” g'aznasini 120-130 mln yevro bilan boyitishga  tayyorligi, o'z navbatida Milan klubi asosiy to'purarini 130 mln yevroga sotishga  tayyorligi ovoza qilinmoqda. Odatda amalga oshadigan transferlardan oldin mana shunday xabarlar matbuotda tinmay aylanadi.

Ikkinchi tarafda esa agar “Chelsi” “Inter”ni rozi qila olsa, belgiyalik hujumchi “ota uyi”ga qaytishga qarshi emas ekan.

Ma'lumotcha o'rnida aytishimiz kerak, Romelu 2011—2014 yillarda “Chelsi” futbolchisi bo'lgan . Biroq uning Londonda omadi chopmagan. Bunga uning statistikasi yaqqol misol: 10 ta o'yin, 0 ta gol.

Lukaku bu davrda “Chelsi” futbolchisi bo'lsa ham ijara asosida avvaliga “Vest Bromvich”, keyin esa “Everton”da harakat qilgan. Uning ishonchli harakatlari sabab “Everton” Lukakuni 2014 yil yozida to'liq sotib oladi. Keyin nima bo'lganini esa o'zingiz yaxshi bilasiz, aziz muxlis.

Shu o'rinda Geraklitning mashhur gapini yodga olamiz: “Ayni daryoga ikki marta tushib bo'lmaydi”. Ammo bu gaplarning Lukakuga umuman daxli yo'q.

 

Manba

Do'stlaringizga bilan baham ko'ring