Katta sportni tark etib. Sport yulduzlari faoliyatini qanday yakunlagan

Oksana Chusovitina sakkizta yozgi Olimpiya o'yinlarida (1992, 1996, 2000, 2004, 2008, 2012, 2016 va 2021) qatnashgan gimnastika tarixidagi yagona sportchi. 2019 yil sentyabr oyida Oksana Parijdagi FIG World Challenge Cup musobaqasida oltin medalni qo'lga kiritgan – u o'shanda 44 yoshda edi!

Shu yil Chusovitina faoliyatini Tokioda o'tkaziladigan Olimpiya o'yinlaridan so'ng yakunlashini e'lon qildi.

“Bu mening so'nggi Olimpiadam bo'ladi, men sportni tark etaman”, – degan Chusovitina. U O'zbekistonda gimnastika bo'yicha bolalar va o'smirlar sportini rivojlantirish niyatida ekanligini ma'lum qilgan.

2021 yil 25 iyul xayrlashish vaqti keldi. O'zbekistonlik gimnastikachi Tokiodagi yozgi Olimpiya o'yinlarida tayanib sakrash bo'yicha 14166 ochko to'plab, 16 ishtirokchi orasida 11-o'rinni egalladi va musobaqani tark etdi. “Qo'llab-quvvatlaganingiz uchun katta rahmat!”, — deb muxlislariga minnatdorchilik bildirdi mashhur sportchi.

Yulduzlar sport bilan qanday xayrlashishgan

Oksana Chusovitina va Olimpiya o'yinlarida 9-marotaba ishtirok etayotgan Nino Salukvadzeni “30 yildan beri mavjud bo'lmagan mamlakat terma jamoasining “aks sadosi”, – deb yozmoqda mashhur sport saytining sharhlovchilaridan biri.

Gruziyalik sportchi o'tgan haftaning oxirida pnevmatik to'pponchadan 10 metrga o'q uzish bo'yicha saralash musobaqalarida qatnashdi va to'qqizta Olimpiya o'yinlarida ishtirok etgan tarixdagi birinchi ayol sifatida e'tirof etildi.

👉 52 yoshli Salukvadze ko'rish qobiliyatida jiddiy muammolar borligini tan oldi, shu sababli o'ninchi yubiley o'yinlarida ishtirok etish haqida gap bo'lishi mumkin emasligini ta'kidladi.

«Men Tokiodan keyin faoliyatimni yakunlamoqdaman. Chunki bu qiyin. Ma'naviy, jismoniy va texnik jihatdan men tayyorman, lekin ko'zlarim qarib qoldi. Korpusni ushlab turolmayapman, hatto operatsiya ham qilldirdim, so'ngra ko'zni o'zgartirdim, chap ko'z bilan otyapman. Jarrohning pichog'i ostiga yotishga ham to'g'ri keldi. Oddiy hayot uchun menga bunday operatsiya kerak emas edi, lekin bellashuv uchun operatsiyani sinab ko'rishim zarur deb aytishdi. Ammo bu ish bermadi. Men hayotni yaxshi ko'raman. Ammo bir yildan buyon musobaqalarda chap ko'zimdan foydalanyapman, bu men uchun qiyin “, – dedi Nino “RIA Novosti” nashriga bergan intervyusida.

Olimpiya siklining tugashi, sport faoliyatining yakuni haqida e'lon qilish uchun eng yaxshi vaqt.

👉 Suvga sinxron sakrash bo'yicha Tokio Olimpiadasining bronza medali sohibi Viktor Minibayev 2020 yil o'yinlaridan so'ng individual yo'nalishlarda ishtirok etmasligini e'lon qildi. Sportchining o'zi bu haqda Yaponiya poytaxtida mukofotni qo'lga kiritganidan so'ng ma'lum qildi.

👉 2016 yilgi Rio Olimpiadasida butun dunyo taniqli amerikalik suzuvchi Maykl Felps bilan xayrlashdi, u matbuot anjumani vaqtida to'satdan sportni tark etishini e'lon qildi.

“Men basseyn tomon yurishni boshladim va yig'layotganimni sezdim. Oxirgi tayyorgarlik, oxirgi marta sport kiyimini kiyish, oxirgi marta minglab muxlislar oldiga chiqish vaqtida his etgan taassurotlarimni so'z bilan tasvirlab bo'lmaydi”, – dedi Felps. U sport tarixidagi yagona 23 karra Olimpiya chempioni sifatida e'tirof etilgan – uning 9 ta oltin medali estafetada qo'lga kiritilgan. Umumiy hisobda amerikalik sportchi 27 ta Olimpiyada medalini qo'lga kiritgan. U 2000, 2004, 2008, 2012 yillarda o'tkazilgan Olimpiya o'yinlarida ishtirok etgan.

👉 Bundan ikki yil avval Sochidagi Qishki Olimpiya o'yinlarida italiyalik chang'i sporti ustasi Armin Soggeler Olimpiya o'yinlarida jami oltita medal – ikkita oltin, bitta kumush va uchta bronza natija bilan muxlislar bilan xayrlashdi.

«O'ylashimcha, bu mening so'nggi musobaqam edi. Bu sport faoliyatini yakunlash haqida e'lon qilish uchun juda yaxshi fursat», – deb ta'kidladi 40 yoshli Soggeler.

Italiyalik sportchi yozgi va qishki Olimpiya o'yinlari tarixida bir yo'nalishda oltita medalni qo'lga kiritgan yagona sportchi sifatida e'tirof etilgan. Soggeler Sochida bronza medalini qo'lga kiritgan. Soggeler Lillexammer-1994 va Vankuver-2010 o'yinlarida bronza medalini, Nagano-1998 o'yinlarida kumush medalni qo'lga kiritgan. Solt Leyk Siti-2020 va Turin-2006 o'yinlarida g'olib bo'lgan.

👉 2014 yilda rossiyalik figurali uchish ustasi – hozirda murabbiylik qilayotgan Yevgeniy Plyushenko o'z faoliyatini yakunlayotgani haqida e'lon qiladi. Plyushenko to'rtta Olimpiyadada ishtirok etgan: 2002 yilda kumush, 2006 yilda oltin, 2010 yilda kumush medalini qo'lga kiritgan, 2014 yilda esa jamoaviy bahslarda Olimpiada g'olibiga aylangan.

Plyushenko Sochi Olimpiadasida Rossiyaning yagona vakili sifatida ishtirok etgan.

Umurtqa pog'onasida o'tkazilgan operatsiya Plyushenkoga salbiy ta'sir ko'rsatdi, mashg'ulot vaqtida olingan jarohatdan so'ng qisqa dasturda qatnashishdan va Olimpiya oltinlari uchun kurashishdan bosh tortishga majbur bo'ldi. Taniqli sportchi eng qiyin ikki elementni qiyinchilik bilan bajardi, birinchisidan keyin u bel qismida qattiq og'riq his qiladi. Musobaqadan ko'p o'tmay Yevgeniy Plyushenko sportdagi faoliyatini yakunlashi haqidagi bayonotini e'lon qildi.

👉 2012 yilgi London Olimpiyadasida taniqli qozog'istonlik velosipedchi Aleksandr Vinokurovning 1997 yilda boshlangan faoliyati yakunlandi. Bu 38 yoshli sportchi oltin medalni qo'lga kiritgandan so'ng ma'lum bo'ldi. U birinchi kumushdan 12 yil o'tgandan so'ng Olimpiadaning ikkinchi mukofotini qo'lga kiritgan edi…

Ro'yxatni davom ettirish mumkin: Olimpiya o'yinlari davomida bunday “yakuniy akkordlar” odatiy holga aylangan.

Katta sport mashaqqatli va og'ir mashg'ulot. Hamma ham uzoq muddatli bosimlarga dosh berolmaydi, hattoki yoshlar ham sportni vaqtli tark etishadi. Bundan ma'lumki, uzoq vaqt davomida faoliyat olib borgan sport ustalari eng yuksak olqishlarga sazovor!

 

Manba

Do'stlaringizga bilan baham ko'ring