Germaniyaning 2021 yildagi eng yaxshi futbolchisi aniqlandi!

Nemis futbolida eng yaxshisini aniqlash juda mushkul masala. Ammo nemislar bu safar ham eng yaxshisini aniqlashda adashishmadi!

«Bavariya» klubi hujumchisi Robert Levandovski Germaniyaning 2021 yildagi eng yaxshi futbolchisi deb topildi.

G'olib nemis sport jurnalistlari assotsiatsiyasi (VDS) a'zolari tomonidan aniqlandi, so'rovnoma «Kicker» nashri tomonidan o'tkazildi.

563 kishi qatnashgan so'rovnomadan Levandovski 356 ta ovoz oldi. Ikkinchi o'rinda Tomas Myuller (41 ovoz), undan keyingi o'rindan esa «Borussiya D» futbolchisi Erling Holand (38) joy oldi.

Eslatib o'tamiz, Robert o'tgan mavsum Bundesliganing 29 uchrashuvida qatnashib, 41 gol urgan. Shuningdek, «Bavariya» bilan Germaniya chempionligini qo'lga kiritdi.

Do'stlaringizga bilan baham ko'ring