“Oltin to'p” sohiblarini yetishtirib beradigan «Sporting» akademiyasi haqida (1-qism)

«Sporting» akademiyasi bir yo'la ikkita “oltin to'p” sohibini yetishtirib bergani bilan maqtana oladi: Krishtianu 12 yoshida, Luish Figu 13 yoshida bu yerga tashrif buyurishgan. Keyin esa ulardan ikki xil ammo buyuk tarix qoldi.

1997 yil «Sporting» fan-klub prezidenti Madeyradan turib Aurelio Pereyraga (akademiya prezidenti) qo'ng'iroq qiladi va orolda joylashgan maktabda yangi iqtidorli futbolchini ko'rganini aytadi. Pereyra tezda o'z skautini yuboradi. Ammo skaut yetib kelganda Ronalduning o'yini allaqachon tugagan va «Nasional»ning boshqa yosh toifasidagi jamoasi maydonda o'ynayotgan bo'ladi.

Ammo uning baxtiga Ronaldu qo'shni maydonda bir o'zi to'p bilan muomala qilayotganiga ko'zi tushadi. 30 daqiqa ichidagi uning fintlari va zarbalari tomoshasidan so'ng skaut Pereyraga qo'ng'iroq qiladi. Shu tariqa Krishtianuni Lissabonga taklif etishadi.

Dasltab uning akademiyadagi hayoti og'ir kechadi: yaqinlar sog'inchi, tez-tez Madeyraga safarlar (boshqa futbolchilarga yiliga faqat ikki marta bunga ruxsat etilgan), o'qish bilan muammolar, jamoadoshlari bilan chiqishib ketish muammosi. Ammo akademiya vakillari bu qiyinchiliklarga yechim topa olishdi. Ronaldu uchun alohida ruhshunos va alohida Madeyradan murabbiy unga tayinlanishi futbolchining yangi muhitga moslashish jarayonini yengillashtirdi.

Uning akademiyada o'zini his qilishi yaxshilandi. Biroq Ronalduning qaysarligi saqlanib qoldi. O'qituvchilar gapiga kirmaslik, tartib intizomning buzish holatlari unda tez-tez kuzatilib turdi. «Sporting» esa bunga qarshi choralar qo'llashni boshladi. «Maritimu»ga qarshi bahs qaydnomasidan Ronaldu olib tashlandi. Jamoa yetakchisiga aylanib ulgurgan Krishtianu bu holatga chiday olmadi va murabbiyga baqirib buning sababini bilishni istadi. Ammo tarkib o'zgarmadi. Ronaldu aybini tushindi.

Akademiyada Ronalduning yetakchilik qobiliyatini yaxshi ko'rishar edi. Chunki u maydonda ham maydon tashqarisida ham jamoadoshlariga ruhiy tomondan yordam berardi. Ammo «Sporting»da egoistik xarakteri bor o'quvchilar birdek jazolanardi.

Aynan «Sporting»da Ronaldu ozg'in kuchsiz bolakaydan haqiqiy atletga aylandi. U jamoaga kelgan 12 yoshilik paytida jamoadoshlaridan kuchsiz edi. Biroq tinimsiz mashg'ulotlar uni jismonan va kordinatsiya tomondan kuchli qildi.

Akademiya Prezidenti Ronalduning o'zi ustida ishlashi haqida: “Yoshlar uchun yangi baza qurilayotganida, bolalar rezidensiyada yashab turishlariga to'g'ri keldi. Buni oqibatida trenajer zali bilan muammo yuzaga keldi. Yonimizda esa avtomobil yo'li bor edi. Har kuni ertalab svetofor tagida Ronaldu oyoqlariga yuk bog'lab bu yo'lda sprint mashqlari bilan shug'ullanardi. U bu mashqlar kuchni oshishiga va tezlik ortishiga sabab bo'lishiga ishonar edi”

Hozirda esa Ronalduning rasmlari akademiyaning barcha xonalarida osilgan. 2020 yilning sentyabr oyidan boshlab akademiyaga Krishtianu Ronaldu nomi berildi.

«Sporting» bazasida Luish Figu suratlari ham anchagina topiladi. Bu talantning kashf etilishi haqida keyingi qismda so'z boradi…

Do'stlaringizga bilan baham ko'ring