Mahmud Murodov Floyd Meyvezer bilan qanday tanishib qolgan?

O'zbekistonlik UFC jangchisi Mahmud Murodov amerikalik afsonaviy bokschi Floyd Meyvezer bilan tanishib qolishi haqida gapirib berdi.
“Negadir, menga katta shaxslar tez-tez e'tibor qaratib turishadi. Men ularni yoniga bormasam ham. Masalan, Floyd Meyvezer. Biz u bilan Pragada tanishganmiz. Men Floyd bilan suratga tushishni ham so'ramaganman. Shunchaki, u o'zini qanday tutishini kuzatib turganman. Parvozimiz bekor bo'lgandan so'ng, u bilan tanishib qolganman. Mana besh, olti yildan beri aloqa qilib kelamiz. U mening qanday mashq qilishimni ko'rganidan so'ng, sen aniq eng zo'ri bo'lasan deb keladi. Floyd menga Amerikada yashashni ham taklif qilgan. Lekin, men buni rad qilganman.

Meni ijtimoiy tarmoqlarda mashxur bo'lib ketishimga ham Floyd sabab bo'lgan. U bilan o'tirganimizda, Floyd menga “suratingni menga jo'nat” -deb qoldi. U “men seni yulduz qilaman” dedi. Ikki kundan so'ng, mashg'ulotlarga kelyotganimda, telefonim shunchaki portlab ketay dedi. 56 ming obunachi qo'shilgan, hamma men haqimda gapiryapti. Hammasi shunday bo'lgandi”, – dedi Mahmud Murodov.

Eslatib o'tamiz, hamyurtimiz Mahmud Murodov UFC’da uchta jang o'tkazib, ularning barchasida g'alaba qozongan.

Manba : RT Russia

Do'stlaringizga bilan baham ko'ring