O'zbekiston Respublikasi Bosh vazirining o'rinbosari yangi tashkil etilgan vazirlikning vaziri bo'ldi!

Deputatlar O'zbekiston Respublikasi Bosh vazirining o'rinbosari – turizm va sport vaziri lavozimiga nomzodni ko'rib chiqdilar.

Ma'lumki, amaldagi qonun hujjatlariga binoan, Vazirlar Mahkamasi a'zolari, vazirlar lavozimga tayinlanishidan avval ularning nomzodi Oliy Majlis Qonunchilik palatasida deputatlar tomonidan ko'rib chiqiladi.

Bugun, 2021 yil 8 aprel kuni Oliy Majlis Qonunchilik palatasining navbatdagi majlisi bo'lib o'tdi. Unda deputatlar O'zbekiston Respublikasi Bosh vazirining o'rinbosari – turizm va sport vaziri lavozimiga Aziz Abduhakimovning nomzodni ko'rib chiqdilar.

Xalq vakillari tomonidan Aziz Abduhakimov nomzodi ma'qullandi. Bu haqda Oliy Majlis qonunchilik palatasi axborot xizmati xabar berdi.

Eslatib o'tamiz, Prezidentning tegishli Farmoniga asosan, Jismoniy tarbiya va sport vazirligi hamda Turizmni rivojlantirish davlat qo'mitasi negizida Turizm va sport vazirligi tashkil qilingandi.

Do'stlaringizga bilan baham ko'ring