Murodjon Ahmadaliyevning keyingi raqibi ham ma'lum

WBA professional boksning ikkinchi yarim yengil (-55,34 kg) vazn toifasida ringga ko'tarilayotgan Murodjon Ahmadaliyevga (9-0, 7 KO) jahon chempionlik kamari himoyasi uchun majburiy da'vogar Ronni Riosga (33-3, 16 KO) qarshi majburiy jang uchun muddat belgiladi. Bu haqda tashkilot rasmiy sayti xabar bermoqda.

Yozilishicha, tashkiliy qo'mita Murodjon Ahmadaliyev va uning jamoasiga 6 mayga qadar muddat bergan. Tashkilot nizomiga muvofiq Murodjon Ahmadaliyevning chempionlik himoyasi muddati 2021 yilning 29 yanvar kuni yakuniga yetgan, ammo WBA bokschiga birinchi navbatda himoya qilishi lozim bo'lgan IBF kamari uchun majburiy himoya imkonini taqdim etgandi.

Nizom bo'yicha Ahmadaliyev majburiy himoyadan 60 kun muddat o'tgach, kamarga majburiy da'vogar bo'lmagan bokschiga qarshi ringga chiqishi mumkin emas. Shu maqsadda WBA yanvar oyi reytingidan boshlab majburiy da'vogarga aylangan Ronni Riosga qarshi majburiy himoya bo'yicha sanksiya e'lon qildi. Agar tomonlar 6 mayga qadar kelisha olishmasa, WBA ushbu jangni o'tkazish bo'yicha kimoshdi savdolarini e'lon qiladi. Jang uchun eng ko'p pul taklif qilgan tomonga jangni tashkil qilish imkoniyati beriladi.

Eslatib o'tamiz, oldinroq, Murodjon WBA chempionlik kamari uchun majburiy da'vogarga qarshi AQShda ringga chiqishi va shundan so'ng birlashtiruvchi kamarlar uchun jangini Toshkentda tashkil qilish rejalashtirilayotgani haqida xabar bergandi.

Do'stlaringizga bilan baham ko'ring