🎁Бектемир Мелиқўзиевни табриклаймиз!

Бугун бокс бўйича Ўзбекистон терма жамоаси аъзоси Бектемир Мелиқўзиевнинг туғилган куни!

Бектемир 1996 йилнинг 8 апрель куни Қўқон шаҳрида таваллуд топган. Ўсмирлар ўртасида жаҳон чемпиони. Ёшлар ўртасида Олимпия ўйинлари, жаҳон ва Осиё чемпионлигини қўлга киритган кам сонли чарм қўлқоп усталаридан бири ҳисобланади.

Катталар ўртасида Рио Олимпиадасида финалгача етиб бориб, кумуш медалга эга чиққан. Жаҳон чемпионатининг икки карра совриндори, икки карра Осиё чемпиони.

“Ўзбекистон ифтихори” фахрий унвони соҳиби.

Бугунги кунда професионал боксда ҳам фаолият олиб бормоқда.

Фурсатдан фойдаланиб, истеъдодли боксчимизни таваллуд айёми билан табриклаймиз. Унга ўз олдига қўйган барча мақсадига эришишини тилаб қоламиз.

Ўзбекистон бокс федерацияси матбуот хизмати

Дўстларингизга билан баҳам кўринг