Putinning yana bir maxfiy siri ochildi: Roman Abramovich “Chelsi”ni Putinni topshirig'iga asosan sotib olganmi?

Angliya «Chelsi» kulubi egasi Roman Abramovich “Putinning odamlari” nomida nashr etilgan kitobdan norozi bo'lmoqda. Kitobda Abramovich  «Chelsi» ni sotib olish tarixi Rossiya prezidenti Vladimir Putinning buyrug'i bilan tuzilgan bitim sifatida tasvirlangan.

«Chelsi» Abramovich advokatlarining noshir va kitob muallifi Ketrin Beltonga qarshi sudga oid bayonoti matnini e'lon qildi.

«Sud jarayoni HarperCollins tomonidan nashr etilgan «Putinning odamlari »kitobida bizning mijozimizga qarshi qilingan ko'plab yolg'on va tuhmatli bayonotlar bilan bog'liq.

Kitobda bizning mijozimiz korrupsiyaviy harakatlarga aloqador bo'lganligi va mijozimizning «Chelsi» futbol klubini sotib olganligi to'g'risida yolg'on da'volar mavjud. Bunday ayblovlar mutlaqo qabul qilinishi mumkin emas va hech qanday asosga ega emas “, – deyiladi Abramovich manfaatlarini himoya qiluvchi Harbottle & Lewis yuridik tashkilotining bayonotida.

Shuningdek, rossiyalik tadbirkorning shaxsiy bayonotidagi so'zlar keltirilgan.

«Kitobda men haqimda, shuningdek, «Chelsi »futbol klubini sotib olishimdagi faoliyatim kabi bir qancha yolg'on va tuhmatli bayonotlar mavjud. Bu qarorni qabul qilish oson emas edi. Mening maqsadim sud jarayonidan qochish edi va yuristlarim tinch yo'l bilan echim topish uchun noshirlar bilan bog'lanishdi.

Ammo, ushbu kitobdagi yolg'on ayblovlar nafaqat mening shaxsiy obro'imga, balki «Chelsi» futbol klubi faoliyatiga ham zararli ta'sir ko'rsatishi aniq bo'ldi. Biz noshirga kitobda menga nisbatan turli xil yolg'on da'volarga oid batafsil ma'lumotlarni, shu jumladan avvalgi sud jarayonlarida Angliya Oliy sudida yolg'on deb topilgan da'volarning takrorlanishini ham taqdim etdik.

Afsuski, ushbu muzokaralar natija bermadi va noshir kitobdagi birorta noto'g'ri so'zlarni tuzatmadi. Umid qilamanki, bugungi bayonot nafaqat mening nomimga qo'yilgan soxta ayblovlarni rad etadi, balki «Chelsi» ning Buyuk Britaniyadagi ijobiy o'rnini yaxshilaydi “, – dedi Abramovich.

Do'stlaringizga bilan baham ko'ring