Qozog'istonlik UFC jangchisi: O'zbekiston – mening Vatanim!

Qozog'istonlik UFC jangchisi Shavkat Rahmonov Forbes Kazakhstan Youtube kanaliga bergan intervyusida o'z millati haqida gapirib berdi.
– Hamma sizning millatingiz haqida gapiradi. Siz qozoqmisiz yoki boshqa millat vakili? Ular izohlarda har doim: “Yo'q, u o'zbek, tojik, boshqasi”, deb bahslashishadi… Bu sizni g'azablantiradimi?

– Yoshligimda bu meni bezovta qilardi, ammo keyin buning foydasiz ekanligini tushunib yetdim. Eng muhimi, ota-onangizni, tarixingizni qalbingiz bilan anglashingiz kerak. Mening millatim qozoq. Dadam qozoq, onam qo'ng'irot urug'idan. Tabiiyki, men ham qozoqman. Lekin men O'zbekistonda tug'ilganman, ismim qozoqlar orasida juda kam uchraydi. Asosan arab va o'zbeklarda qo'yiladi. O'zbekistonda tug'ilganimdan, u yerda o'qiganimdan xursandman – Vatanimni sevaman! O'zbekistonda tug'ilganimdan faxrlanaman, ammo millatim bo'yicha qozoqman. Ha, siz aytgandek, odamlar hamisha bu masalani ko'tarishadi, men esa bunga e'tibor bermayman.

Mavzuga doir: O'zbekistonda tug'ilib Qozog'iston sharafini himoya qilayotgan asli o'zbek UFC jangchisi. Jahon chempioni bozorda yuk tashuvchilik bilan shug'ullangan

olamsport.com

Do'stlaringizga bilan baham ko'ring